Gjigandi i makinave, Volvo, thotë se është duke punuar për një makinë që nuk do të shkaktojë më vdekje. Ata thonë se brenda pak vitesh do jetë në treg një model i tillë, që nuk do përplaset.
Makina e kompjuterizuar do jetë e pajisur me sensorë të teknologjisë së lartë, që refuzojnë të përplasen me objekte të tjera.
Volvo thotë se makina e plotësuar do jetë në shitje në vitin 2020, ndërkohë që disa nga opsionet do vendosen në makinë duke nisur nga viti 2014.
“Vizioni ynë është që askush të mos vritet apo plagoset me një makinë Volvo në vitin 2020,” tha një drejtues i kompanisë.
